Saudiyaliklar Messini mamlakatga olib kelish uchun uning qator jamoadoshlarini ham taklif qilmoqchi

Saudiya futboli Lionel Messini mamlakatga olib kelish uchun qo‘lidan kelgan barcha narsani qilmoqda.

OneFootball nashrining xabariga ko‘ra, Saudiya Arabistoni Messi bilan birga uning jamoadoshlarini ham taklif qilmoqchi. Leodan tashqari Leandro Paredes, Anxel di Mariya va Serxio Ramoslarga ham shartnoma taklif qilinadi.

Saudiyaliklarning maqsadi bu futbolchilarning barchasi bir jamoada o‘ynashi emas, balki Ar-Riyodda joylashgan jamoalarda (“An-Nassr”, “Al-Hilol”, “Ash-Shabob”) o‘ynashidir.

Lionelning o‘ziga umumiy summasi 500-600 million yevro bo‘lgan shartnoma taklif qilingan. Shartnoma 2+1 sxemasi bo‘yicha tuzilishi rejalashtirilgan. Hozircha futbolchi taklifni qabul qilmagan, chunki u “Barselona”dan harakatni kutmoqda. 

Qayd etilishicha, argentinalikning rafiqasi Saudiya Arabistoniga ko‘chib o‘tishni istamayapti.