“Гарри Поттер” фильмидаги Гермиона Гренжер роли билан машҳурликка эришган британиялик актриса Эмма Уотсон нима сабабдан узоқ вақт давомида фильмларда суратга тушмагани ва кинога қайтиши ҳақида сўзлаб берди.
У сўнгги марта 2019 йилда “Кичик аёллар” драмасида бош қаҳрамон ролини ўйнаган ва шундан кейин бошқа лойиҳаларда иштирок этмаган. Актриса айнан шу лойиҳанинг суратга олиш жараёнларида ўзини ҳимоясиз ҳис қилаётганини айтган.
“Тўғрисини айтсам, хурсанд бўлмадим. Ўзимни асирликдагидек ҳис қилдим. Мен учун жуда қийин бўлган нарса доимий равишда омма олдида чиқиш бўлган, ўзимни назорат қила олмайдиган нарсадан воз кечишим керак эди. Яратиш жараёнида мен иштирок этмаган нарсаларнинг юзи ва вакили бўлиш қийин”, — дейди Эмма Financial Times газетасига берган интервьюсида.
Актриса кино оламидаги фаолиятини давом эттириши ҳақида ҳам гапириб берди.
“Ҳа, албатта. Мен ўтириб, кейинги тўғри танланган ролни кутишдан мамнунман. Менга ўзим қилган ҳамма нарса ёқади. Ўзимни турли инсонларга бўлишни, робот режимига ўтишни хоҳламайман”, — дейди актриса.
Ҳозирда Уотсон укаси Алекс билан биргаликда алкогол бизнесини ривожлантирмоқда. Актриса сентябрь ойида магистратурани тамомлаш учун Оксфордга ўқишга қайтишни режалаштирмоқда.
Изоҳ (0)