Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Дилноза Кубаева мухлисларига янги сурати билан кўриниш берди.
Хонанда Райҳон Ғаниева 1 май куни туғилган кунини нишонлаган эгизак фарзандлари Ислом ва Имронга аталган илиқ сўзларини саҳифасига ёзиб қолдирди.
Ўзбекистон халқ артисти Юлдуз Усмонова “Миллион” кулги жамоасининг концерт дастурида меҳмон санъаткор сифатида иштирок этмоқда.
Хонандалар Фаррух Раимов ва Дилсўз мухлислари учун янги ижод маҳсулини тайёрламоқда.
Актриса Раъно Шодиева отасини 70 ёшга тўлиши муносабати билан табриклади.
Блогер Марям Тиллаева Тошкент шаҳрида хайрия ярмаркасини ўтказди. Унда Марям ўзига тегишли кийим-кечак ва аксессуарларни сотиб, савдодан тушган пулни Африкада яшайдиган болалар ҳамда жониворларни ҳимоя қилиш фондларига хайрия қилди. Ушбу тадбирда вайнер Liil Хуррамов ҳам иштирок этиб, Марямни қўллаб-қувватлади ҳамда унга турмуш қуриш таклифини берди. “Сенда ҳам менда ҳам пул кўп, шунинг учун қонуний никоҳдан ўтмай яшаймиз, чунки ажрашганимизда муаммо бўлиши мумкин”, — дея ҳазиллашди Liil Хуррамов.
Инстаблогер Ганя Усмонова кузатувчиларига яна бир бор она бўлишини маълум қилди.
Актриса Райҳон Уласенова Дубайда ҳордиқ чиқармоқда.
Хонанда Муниса Ризаева россиялик таниқли журналист Жанна Бадоеванинг “Ўзгалар ҳаёти” кўрсатувига интервью берди. Интервью давомида у ўзбекистонлик талабгир санъаткор бир кунда бемалол 5 минг доллар топа олиши ҳақида гапирди. Шунингдек, Мунисанинг ўзи бир кунда ўртача 7-8 та “бирров”га чиқишини айтиб ўтган. “Бир кунда 13 та бирровга чиққан куним ҳам бўлган”, — дейди хонанда. Муниса Ризаева интервьюларидан бирида Тошкентдаги “бирров”ларга 1000 долларга чиқишини айтиб ўтган.
Изоҳ (0)