Навоий вилояти Кармана туманида мансабдор шахс 10 миллион сўм пора билан ушланди. Бу ҳақда вилоят Ички ишлар бошқармаси хабар берди.
Маълум бўлишича, тадбиркор “Хончарбоғ” маҳалласида спорт комплекси қурилишини бошлаган. Бу жараёнда ҳудуддаги мевали ва манзарали дарахтлар кесиб ташланган.
Туман экология ва атроф муҳитни муҳофаза қилиш бўлими бошлиғи Х.Т. ҳодисадан хабар топгач, маъмурий баённома расмийлаштирмаслик эвазига тадбиркордан пул талаб қилган.
Тадбиркор Ф.Н.нинг аризасига биноан ҳуқуқни муҳофаза қилиш органи ходимлари тадбиркордан пора олаётган мансабдорни процессуал тартибда қўлга олган. Айни пайтда ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)