Лондон полицияси Букингем саройи олдида қирол Чарльзнинг тож кийиш маросимидан бир неча кун олдин ўқотар қурол ўқларини сарой ҳудудига улоқтирган эркакни ҳибсга олди.
Полиция маълумотларига кўра, эркак соат 18:00 атрофида полиция ходимлари томонидан ҳибсга олинишидан олдин Букингем саройи дарвозаларига яқинлашиб, сарой ҳудудига нарсаларни ташлаган.
“Эркак текширилганда, унинг ёнидан пичоқ топилган. Шундан сўнг у ҳужум қуролига эгаликда гумонланиб ҳибсга олинди”, — дейилади Лондон полициясининг янгиланган баёнотида.
Баёнотда айтилишича, полиция ҳозирда бу масалани терроризмга алоқадор деб ҳисобламайди.
Маълумот учун, қирол Чарльз III га тож кийдириш маросими 6 май шанба куни бўлиб ўтади.
Изоҳ (0)