Россия ҳарбийлари Украинага ракета ҳужумлари тактикасини ўзгартириб, тинч аҳоли яшайдиган биноларни нишонга олди. Бу ҳақда Украина президенти офиси раҳбари маслаҳатчиси Михаил Подоляк маълум қилди.
«Тактикада маълум бир ўзгариш борлиги аниқ. Бунга ҳеч қандай шубҳа йўқ, чунки улар тўғридан-тўғри фуқаролик инфратузилмаларига, кўп хонадонли биноларга ёки турар жойларга ракета зарбаси беради”, — деди у.
Подолякнинг фикрича, тактикани ўзгартиришга бир қанча сабаблар бўлиши мумкин. Хусусан, рус босқинчилари Украина армиясини тайёргарликсиз қарши ҳужум бошлашга қўзғатиши мумкин.
Бу Украинанинг Ғарб иттифоқчиларига қаратилган провокацияси ҳам бўлиши мумкин — Россия тинч аҳолини ўлдириш Ғарбни музокаралар зарурлиги ҳақида кўпроқ гапиришга мажбур қилади, деб ўйлаши мумкин.
Учинчи сабаб Украина ҳаво мудофаасини четлаб ўтиб зарба бериш вариантларини излашдан иборат. Подолякнинг фикрича, босқинчилар Украина армиясининг фронтда муваффақиятли ҳаракатлари бўлса, тинч аҳолига зарба бериш имкониятини кўриб чиқиши мумкин.
Россиянинг Украинага сўнгги ҳужумлари ва оқибатлари
1 майга ўтар кечаси Россия қўшинлари Украинага навбатдаги ракета ҳужумини уюштирди. Украина қуролли кучлари қўмондонлиги 18 та ракетадан 15 тасини уриб туширганини маълум қилди. Днепропетровск вилоятидаги Павлоград шаҳрининг ўққа тутилиши оқибатида икки киши ҳалок бўлди, 40 киши яраланди. Ўнлаб уйлар вайрон бўлган.
28 апрелга ўтар кечаси Россия армияси Днепропетровск, Черкас ва Киев вилоятларидаги шаҳарларга ракета ҳужуми уюштирди. Украина қуролли кучлари маълумотларига кўра, 23 та ракетадан 21 таси уриб туширилган. Уман шаҳридаги кўп қаватли турар жой биносига ракета тушиши оқибатида 23 киши, жумладан, олти бола ҳалок бўлган.
Изоҳ (0)