АҚШнинг Иллинойс штатида чанг бўрони туфайли юзга яқин машина тўқнашиб кетди. Бу ҳақда маҳаллий полиция хабар берди.
Йўл-транспорт ҳодисаси оқибатида олти киши ҳалок бўлган, 30 дан ортиқ одам жароҳатланган. Ҳодиса катта йўлда содир бўлган. Полиция чанг бўрони вақтида 40-60 та енгил автомобиль ва 30 га яқин юк машинаси тўқнашиб кетгани, улардан иккитаси ёниб кетганини хабар қилмоқда.
“Ҳозирда касалхонага 30 дан ортиқ жароҳатланганлар юборилгани ҳақида маълумотга эгамиз. Аварияда олти киши ҳалок бўлган”, — дейди полиция.
Қурбонлар орасида икки ёшдан 80 ёшгача бўлган одамлар ҳам бор.
Ҳодисага кучли шамолнинг далалардаги тупроқни учириб кетгани сабаб бўлган. Натижада қум бўрони бошланган, бу эса магистралда кўришни нолга олиб келган.
Изоҳ (0)