“ПСЖ” ҳужумчиси Лионель Месси мавсум якунланганидан сўнг Парижни тарк этади.
Журналист Фабрисио Романинг хабарига кўра, футболчининг отаси Хорхе Месси бир ой олдин раҳбариятга ўғли жамоани тарк этишини маълум қилган.
Mundo Deportivo нашрининг қўшимча қилишича, аргентиналикнинг бундай қарорга келишига клубнинг Чемпионлар Лигасидан чиқиб кетиши ва “ПСЖ”нинг келажак учун стабил спорт лойиҳаси йўқлиги сабаб бўлган.
Аввалроқ, Лео Саудия Арабистонига рухсатсиз кетиб қолгани раҳбариятга ёқмагани ва футболчини икки ҳафтага четлатгани хабар қилинганди.
Месси ушбу икки ҳафтани Барселонада ўтказмоқчи. 35 ёшли футболчи жазо муддати якунланган парижликлар базасига қайтади.
Изоҳ (0)