Юмшоқ ва мазали кексга қуюлтирилган сут қўшилса, ўзига хос таъмга эга бўлади. Кекс кремини ўзингизга ёққан маҳсулотлардан тайёрласангиз ҳам бўлади.
.jpg)
Керакли масаллиқлар:
- сариёғ — 150 г ва яна ёғлаш учун
- ун — 170 г
- пишириқ кукуни — 1 чой қошиқ
- туз — 1 чимдим
- шакар — 140 г
- ванилин — 1 чой қошиқ
- тухум — 3 дона
- сут — 50 мл
- қуюлтирилган сут — 120 г
Тайёрланиши:
- Печни 175 даража ҳароратда олдиндан қиздиринг. Кекс қолипларини ёғланг.
- Унни пишириқ кукуни ва туз билан аралаштиринг. Сариёғни шакар ва ванил экстрактини аралаштириб, миксер билан юмшоқ масса ҳосил бўлгунча кўпиртиринг.
- Кўпиртириш давомида сариёғга тухумларни аста-секин қўшинг. Масса бир хил ҳолга келганда, ун қўшинг ва аралаштиринг. Сутни қўшинг.
- Тахминан бир ош қошиқдан хамирни қолипларга солинг, устига бир чой қошиқ қуюлтирилган сут қўшинг, унинг устига яна бироз хамир солинг.
- Кексларни қизаргунга қадар 20-25 дақиқа давомида пишириб олинг.
Ёқимли иштаҳа!
Изоҳ (0)