Ифторлик дастурхони учун юмшоққина картошкали пончиклар тайёрлаймиз

Сметана ёки пишлоқли соус билан янада лаззатли бўладиган картошкали пончиклар албатта сизга ёқади. Уни бошқа масаллиқлардан тайёрласангиз ҳам бўлади.  

Керакли масаллиқлар:

• картошка — 600 г;
• туз — ярим чой қошиқ;
• хамиртуруш — 2 чой қошиқ;
• шакар — 1 чой қошиқ;
• ун — 400-500 г;
• сув — 50 мл;
• тухум - 1 дона;
• ўсимлик ёғи — 1 л.

Тайёрланиши:

1. Картошкани тозаланг, тузли сувда юмшоқ бўлгунга қадар қайнатинг, совутиб олинг ва пюре ҳолатига келтиринг;
2. Хамиртурушни шакар, бир ош қошиқ ун ва илиқ сув билан аралаштиринг. Кўпик ҳосил бўлгунча 5-10 дақиқага қолдиринг;
3. Пюрега тухум, илиқ картошка булёни, туз, 4 ош қошиқ ўсимлик ёғи, хамиртуруш ва ун қўшинг. Юмшоқ ва озгина ёпишқоқ хамир ҳосил қилинг;
4. Уни катта идишга солинг, ёпишқоқ плёнка билан ёпинг ва 60-90 дақиқа давомида илиқ жойда қолдиринг;
5. Хамир икки баравар катталашганда, уни олиб, ёнғоқ катталигидаги шарчалар ҳосил қилинг. Шарчаларни ун солинган тахта устига қўйинг, сочиқ билан ёпинг ва 10-15 дақиқага қолдиринг;
6. Ўсимлик ёғини кастрюлка ёки ичи чуқур, қиздирилган идишга солинг. Пончикларни қизаргунга қадар 4-5 дақиқа давомида қовуринг.

Ёқимли иштаҳа!