Печене қўшиб, мазали кокосли торт тайёрлаймиз

Кокосли тортни тайёрлаш учун сизга беш хил маҳсулот керак бўлади. Ширинлик кремини бошқа маҳсулотлардан тайёрласангиз ҳам бўлади.

Керакли масаллиқлар:

• печене — 200 г
• 33 фоизли қаймоқ — 400 мл
• қуюлтирилган сут — 120 г
• ванилин — 1 чой қошиқ
• кокос қириндиси — 150 г

Тайёрланиши:

1. Пишириқ қоғози ёки озиқ-овқат плёнкаси билан диаметри 18-20 см бўлган думалоқ қолипни ўраб олинг. Печенеларни майда бўлакларга бўлинг.
2. Совитилган қаймоқни миксер ёрдамида кўпиртиринг. Қуюлтирилган сут, ванилин ва 100 г кокос қириндисини қўшиб, аралаштиринг.
3. Кремга печенеларни қўшиб, аста-секинлик билан аралаштириб олинг. Массани қолипга солинг ва текисланг.
4. Тортни музлаткичга 4-6 соат қўйинг. Тортни дастурхонга тортишдан олдин юқори ва ён қисмига қолган кокос қириндисини сепинг.

Ёқимли иштаҳа!