Ифторлик дастурхони учун: Уй шароитида тайёрласа бўладиган асалли чак-чак рецепти

Асал ва хамир бўлакларидан тайёрланадиган мазали ширинликни уй шароитида тайёрласа ҳам бўлади. Чак-чак татар ошхонасининг ўзига хос ширинликларидан бири ҳисобланади.

Керакли масаллиқлар:

• тухум — 5 дона;
• туз — ярим чой қошиқ;
• пишириқ кукуни — 1 чой қошиқ;
• ун — 450 г;
• ўсимлик ёғи — 1 л;
• шакар — 320 г;
• сув — 220 мл;
• асал — 170 г;
• лимон кислотаси — 1 чимдим.

Тайёрланиши:

1. Тухумга туз қўшиб кўпиртиринг. Пишириқ кукуни ва ун қўшинг. Уни силлиқ хамир ҳолатига келтиринг;
2. Хамирни думалоқ қилиб, озиқ-овқат плёнкаси билан ўранг ва 1 соатга қолдиринг. Кейин муштлаб, қалинлиги 1-2 мм бўлган қатламга айлантиринг;
3. Хамирни ингичка чизиқлар шаклида кесиб олинг ва уларни 15-20 мм узунликдаги бўлакларга бўлинг;
4. Ўсимлик ёғини кастрюлка ёки ичи чуқур, қиздирилган идишга солинг. Кичик хамир бўлакларини 3-4 дақиқа давомида қизаргунга қадар қовуринг, қоғоз сочиқларга қўйинг;
5. Бошқа идишга шакар ва сув солинг. Аралаштириб 10-15 дақиқа давомида қайнатиб олинг;
6. Сиропга асал ва лимон кислотаси қўшинг. Асални эригунча аралаштиринг ва совутиб олинг;
7. Хамир бўлаклари устига сиропни тенг равишда солинг ва аралаштиринг. Массани тарелка устига ёйинг ёки ундан кичик тўплар ҳосил қилинг. 1-2 соатга қолдиринг;

Ёқимли иштаҳа!