Наманган шаҳрида қарийб тўрт минг сохта долларни минг долларга сотаётган эркак ушланди. Бу ҳақда вилоят ИИБ ахборот хизмати хабар берди.
Унга кўра, Наманган шаҳри ҳудудида ноқонуний равишда қалбаки валюта олди-сотдисига чек қўйиш мақсадида ҳамкорликда тезкор тадбир ўтказилди. Давлатобод туманида яшовчи шахс тадбир иштирокчиларига 1000 доллар эвазига қалбаки бўлган 3900 долларни сотаётган вақтда ходимлар томонидан ушланган.
Ҳозирда мазкур ҳолат юзасидан Наманган шаҳар Ички ишлар органлари фаолиятини мувофиқлаштириш бошқармаси ҳузуридаги тергов бўлими томонидан Жиноят кодексининг 176-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Бундан аввал, 25 апрелда ҳам Наманган вилояти Давлатобод туманида қалбаки хориж валютасининг муомалага киритилишига чек қўйилган эди. 25 апрель куни вилоят ИИБ ЖҚБ, шаҳар ИИО ФМБ ЖҚБ ходимлари томонидан тезкор тадбир ўтказилган. Тадбирда Давлатобод туманида жойлашган кўп қаватли уй олдида шу туманда яшовчи 43 ёшли фуқаро 39 дона қалбаки 100 АҚШ долларини 1000 долларга алмаштираётган вақтида ушланган.
Қалбаки пуллар муомаласи
Апрель бошларида Тошкент шаҳри Янгиҳаёт туманида харидор қалбаки пулга iPhone сотиб олгани, Тошкент вилояти Ангрен шаҳрида қалбаки пуллар муомалага киритилишининг олди олингани тўғрисида хабар берилганди.
2022 йил ноябрида Наманган вилоятида қалбаки 8 300 долларни муомалага киритишга уринган шахс ушланган эди. Декабрда эса Наманганда МИБ идорасида қалбаки 10 000 доллар ёқиб юборилган
Изоҳ (0)