Туркия Мудофаа вазирлиги C-130 эвакуация самолёти Суданда ўққа тутилганини маълум қилди. Бу ҳақда BBC хабар берди.
Судан оммавий ахборот воситаларига кўра, самолёт Хартум шимолидаги ҳарбий аэродромга қўниш чоғида ўққа тутилиши натижасида шикастланган, экипажнинг бир аъзоси яраланган.
Судан армияси тезкор ҳаракат кучларини (РСФ) самолётга ўт очишда ва унинг ёнилғи тизимига зарар етказганликда айблаган. РСФ айбловларни рад этиб, улар кенгайтирилган гуманитар сулҳга содиқ эканини билдирган.
“Фуқароларимизни эвакуация қилиш учун Вади-Саидна аэропортига йўл олган C-130 эвакуация самолётимиз ўққа тутилган. Самолёт хавфсиз қўнган. Ходимларимиз жабрланмаган”, — дейилади Туркия Мудофаа вазирлиги баёнотида.
Суданда 15 апрелдан бери Муҳаммад Ҳамдан Дагло қўмондонлигидаги Тезкор ҳаракат кучлари ва армия ўртасида жанглар давом этмоқда. Мамлакат соғлиқни сақлаш вазирига кўра, тўқнашувлар қурбонлари сони 600 нафарга етган.
Жаҳон соғлиқни сақлаш ташкилоти қуролли можаролар давомида 459 киши ҳалок бўлгани, 4072 киши жароҳатланганини айтмоқда. Судан шифокорлари касаба уюшмасига кўра, тўқнашувлар бошланганидан бери 256 киши ҳалок бўлган.
Можаро нима сабабдан бошланди?
Изоҳ (0)