Европа Иттифоқи Россияга санкцияланган маҳсулотларни реэкспорт қилувчи мамлакатларга экспорт чекловлари жорий этиш масаласини муҳокама қилмоқда. Бу ҳақда The Financial Times хабар берди.
Газета суҳбатдошига кўра, Еврокомиссия тор доирадаги товарларни айрим учинчи давлатларга сотишни чеклаш имконини берувчи ҳуқуқий механизмни ўрганиб чиққан.
“Шундай қилиб, комиссия санкцияланган маҳсулотларнинг Россияга тушишига ва уларнинг урушдаги ҳаракатларга ёрдамлашишга имкон берган бўшлиқларни ёпмоқчи”, — дейилади хабарда.
Евроиттифоқ аввало маҳсулотлар ва санкцияга риоя қилмаётган мамлакатларни номларини кўрсатмасдан аниқлаш имконини берувчи ҳуқуқий базани ишлаб чиқади. Мазкур давлатлар тегишли тартибда огоҳлантирилганидан сўнг Брюссел экспорт назоратига маҳсулот ва давлат номларини қўшиши мумкин.
Мазкур маълумотлар билан хабардор манбаларнинг қайд этишича, бу ғоя Еврокомиссия ва Европа Иттифоқининг юқори мартабали дипломатлари ўртасида Россияга қарши санкцияларнинг 11-пакетини тайёрлаш жараёнида муҳокама қилинган.
Европа Иттифоқининг айрим давлатлари бундай чекловларнинг мумкин бўлган оқибатларидан норози, улар бу учинчи давлатлар билан муносабатларга таъсир қилиши мумкинлигидан хавотирда.
“ЕИ ғояси Брюссел санкцияларни четлаб ўтаётган Туркия, БАА ва Марказий Осиё давлатларига янада қаттиқроқ чоралар кўришга ишонтиришга уринганидан кейин пайдо бўлган”, — дейилади хабарда.
Европа Иттифоқи таклиф қилинган чекловларни келаси ҳафта муҳокама қилади.
Изоҳ (0)