Олмаота вилояти полиция департаментининг собиқ бошлиғи Серик Кудебаевга нисбатан 10 йилга озодликдан маҳрум этиш жазоси тайинланди. Бу ҳақда КаzTag агентлигига таяниб, “Дарё”нинг Қозоғистондаги мухбири хабар берди.
2022 йил январь воқеалари бўйича айбланувчи қочоқ генерал Кудебаев Истанбулда қўлга олиниб, Қозоғистонга олиб келинган. Кейинроқ Бош прокурор Берик Асилов Кудебаевнинг ҳибсга олинганини расман тасдиқлаган. У вақтинчалик сақлаш ҳибсхонасига жойлаштирилганди.
Бугун Кудебаевнинг яқинлари у ўз ихтиёри билан расмийларга таслим бўлганини айтган, бироқ Бош прокуратура бу хабарни рад этиб, қўлга олинган шахс Туркияда яшаш учун рухсатномага ҳужжат топширганини билдирган. Кудебаев судда сўнгги сўзини айтиб, ўзининг айбсизлигини эълон қилган.
27 апрель куни Сенат вице-спикери Жакип Asanов Қозоғистондан қочиш Серик Кудебаевнинг жиноий иш бўйича жавобгарлигини оғирлаштиришини айтган.
Изоҳ (0)