Turkiya Mudofaa vazirligi C-130 evakuatsiya samolyoti Sudanda o‘qqa tutilganini ma’lum qildi. Bu haqda BBC xabar berdi.
Sudan ommaviy axborot vositalariga ko‘ra, samolyot Xartum shimolidagi harbiy aerodromga qo‘nish chog‘ida o‘qqa tutilishi natijasida shikastlangan, ekipajning bir a’zosi yaralangan.
Sudan armiyasi tezkor harakat kuchlarini (RSF) samolyotga o‘t ochishda va uning yonilg‘i tizimiga zarar yetkazganlikda ayblagan. RSF ayblovlarni rad etib, ular kengaytirilgan gumanitar sulhga sodiq ekanini bildirgan.
“Fuqarolarimizni evakuatsiya qilish uchun Vadi-Saidna aeroportiga yo‘l olgan C-130 evakuatsiya samolyotimiz o‘qqa tutilgan. Samolyot xavfsiz qo‘ngan. Xodimlarimiz jabrlanmagan”, — deyiladi Turkiya Mudofaa vazirligi bayonotida.
Sudanda 15-apreldan beri Muhammad Hamdan Daglo qo‘mondonligidagi Tezkor harakat kuchlari va armiya o‘rtasida janglar davom etmoqda. Mamlakat sog‘liqni saqlash vaziriga ko‘ra, to‘qnashuvlar qurbonlari soni 600 nafarga yetgan.
Jahon sog‘liqni saqlash tashkiloti qurolli mojarolar davomida 459 kishi halok bo‘lgani, 4072 kishi jarohatlanganini aytmoqda. Sudan shifokorlari kasaba uyushmasiga ko‘ra, to‘qnashuvlar boshlanganidan beri 256 kishi halok bo‘lgan.
Mojaro nima sababdan boshlandi?
Izoh (0)