Вазирлар Маҳкамасида “Оилавий тадбиркорликни ривожлантириш дастурлари доирасида кредитлар ажратишни такомиллаштириш ҳамда аҳолининг доимий даромад манбаларини кўпайтиришга доир қўшимча чора-тадбирлар тўғрисида”ги қарор қабул қилинди.
Президентнинг “Оилавий тадбиркорликни ривожлантириш дастурлари доирасида аҳолининг бизнес ташаббусларини қўллаб-қувватлашни янги босқичга олиб чиқишга доир қўшимча чора-тадбирлар тўғрисида”ги қарорига мувофиқ 2023 йилда:
- дастурлар доирасида 2,8 трлн сўм кредит маблағлари “Микрокредитбанк” АТБ, АТ “Халқ банки” ва “Агробанк” АТБнинг ўз ресурслари ҳисобидан ажратилади;
- кредитларни йиллик 14 фоиз ставкада ажратиш тартиби сақлаб қолинади.
Фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағлари ҳисобидан аҳоли томорқаларидан самарали фойдаланиш учун микрокредитлар миқдори 3 млн сўмгача оширилади.
Ушбу микрокредитлар Оилавий тадбиркорликни ривожлантириш дастурларининг ягона электрон платформаси орқали ажратилади. Қорақалпоғистон Вазирлар Кенгаши раиси, вилоятлар ва Тошкент шаҳар ҳокимлари тижорат банклари билан биргаликда ажратилган кредитларнинг белгиланган муддатларда сўндирилиши учун жавобгар ҳисобланади.
Вазирлар Маҳкамасининг 2022 йил 8 июлдаги 373-сон қарори билан тасдиқланган Оилавий тадбиркорликни ривожлантириш дастурларининг ягона электрон платформаси орқали кредитлар ажратиш тартиби тўғрисидаги низомга тегишли ўзгартиришлар киритилади. Ҳужжат қонун ҳужжатлари маълумотлари миллий базасида эълон қилинган ва 20 апрелдан кучга кирди.
Изоҳ (2)
Salom men 14 foizli kridit olmoqchi boʻlib ariza topshirsam xokim yordamchisi YATT yoki XUNARMANDLARGA azo boʻlmasang arizamni tasdiqlamiman diyapdi bu qanchalik togʻri
Salom men 14 foizli kridit olmoqchi boʻlib ariza topshirsam xokim yordamchisi YATT yoki XUNARMANDLARGA azo boʻlmasang arizamni tasdiqlamiman diyapdi bu qanchalik togʻri