Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Озода Нурсаидова Бухородан Тошкентга қайтаётганида поезддан қолиб кетгани, шунда унга ҳамкасби Алишер Файз ёрдам бергани ҳақида сўзлаб берди.
Муниса Ризаева аёлларни севиш лозимлиги ҳақидаги мулоҳазалари билан ўртоқлашди.
“Havas” гуруҳининг хонандаси Достонбек уйланмоқда. Гуруҳнинг яна бир хонандаси Шаҳнозахон саҳифасига укасининг унаштирув маросимидан видео жойлади.
Айни пайтда АҚШда яшовчи актриса Гулчеҳра Эшонқулова турмуш ўртоғи ва фарзандлари билан мактаб олдидан нонушта қилаётгани акс этган суратни саҳифасига жойлади.
24 апрель куни актриса ва тадбиркор Луиза Расулова 28 ёшни қарши олди.
Актриса саҳифасига яқинлари томонидан туҳфа этилган кўплаб гулдасталар акс этган видеони жойлади ҳамда барчага миннатдорчилик билдирди.
Болливуд юлдузи Алия Бҳатт қизи туғилган санадан бошлаб энг яхши фотографга айлангани ҳақида сўзлаб берди ҳамда турмуш ўртоғи Ранбир Капур ва фарзандининг суратини кузатувчиларига намойиш этди.
Жигар саратонига чалинган актриса Раъно Шодиева турмуш ўртоғи билан биргаликда Истанбулга учиб кетаётганини айтиб, кузатувчиларидан унинг ҳаққига дуо қилишларини сўради.
“Уммон” гуруҳи хонандаси Зоҳид Рисқиевнинг рафиқаси, инстаблогер Камола Ортиқова кузатувчиларига қўллаб-қувватлаганликлари учун миннатдорчилик билдирди.
Актриса Феруза Норматова ота-онаси, опаси, икки синглиси ва укасига Умра йўлланмасини совға қилди ҳамда оила аъзоларининг қувонч кўз ёшларининг сабабчисига айланди.
Учинчи бор она бўлиш арафасида турган хонанда Ҳулкар Абдуллаева кузатувчиларига янги сурат билан кўриниш берди.
Хонанда, шунингдек, фарзанди туғилгунига қадар ижодда бироз танаффус қилиши ҳамда янги қўшиғини август ойида тақдим этиши ҳақида сўзлаб берди.
Изоҳ (0)