“Оскар” мукофоти совриндори Скарлетт Йоханссон Marvel кинематик оламига қайтишни ва “Қора бева” кинокартинасидаги ролини ўйнашни истамаслигини маълум қилди.
.jpg)
“Мен тугатдим. Боб тугади. Қўлимдан келганини қилдим. Қолаверса, қайтиб келиб, ўн йил давомида ижро этган ўша образни гавдалантириш жуда ноёб тажрибани талаб қилади”, — дейди Йоханссон Goop Podcast’да Гвинет Пелтроу билан суҳбатда.
Шунингдек, у Тони Старкнинг севгилиси Пеппер Поттс образига қайтишни режалаштирмаётганини, бироқ бундай имкониятни кўриб чиқаётганини таъкидлади:
“Мен ўлмаганман, шунинг учун улар ҳар доим менга қўнғироқ қилиши мумкин”, — дейди актриса.
Йоханссон “Темир одам-2” фильмида Наташа Романофф, яъни Қора бева ролини ижро этган. Актриса охирги марта 2021 йилда ушбу қаҳрамонни гавдалантирган. У 2023 йилнинг охиригача Уэс Андерсоннинг “Астероидлар шаҳри”да ва “Онамнинг тўйи” комедиясида рол ўйнайди.
Маълумот учун, Скарлетт ва унинг эгизак укаси Ҳантер 1984 йил 22 ноябрда Нью-Йоркда туғилган. Скарлетт ёшлигиданоқ Ли Страсбергнинг актёрлик мактабида таълим олади: кино унинг орзуси эди. Скарлетт турли лойиҳаларда фаол иштирок этишни давом эттирди (“Люси” (2014), “Ғилдиракдаги ошпаз” (2014), “Яшасин, Сезар!” (2016), “Қурол шарпаси” (2017), “Жуда ёмон қизлар” (2017 ), “Қуёнча Жожо” (2019), “Никоҳ ҳақида ҳикоя” (2019) ва Marvelънинг бир нечта фильмларида суратга тушди.
Forbesъда қайд этилишича, Йоханссон учун энг кўп даромад келтирган рол “Қасоскорлар” фильми туркумидан бўлган “Қора бева” фильмидаги рус жосуси роли бўлган. Бу рол ижроси орқали актрисанинг даромади 4 бараварга ошган.
Изоҳ (0)