Жанубий Кореянинг Blackpink гуруҳи YouTube’да видеолари энг кўп кўрилган гуруҳ сифатида жаҳон рекордини ўрнатди, деб хабар бермоқда “Правила жизни” нашри.
.jpg)
Blackpink гуруҳи каналидаги барча тароналар ҳозирга қадар 30,3 миллиард марта тингланган. Бу гуруҳнинг каналини YouTube’даги энг кўп кўрилган мусиқий каналга айлантирди.
Гиннес рекордлари китоби ушбу туркумдаги маълумотларни охирги марта 2018 йилда янгилаган. Ўша пайтда рекордчи Американинг Маrооn 5 поп-рок гуруҳи бўлиб, улар ижросидаги тароналар тўққиз миллиард марта томоша қилинган.
Масалан, Blackpink гуруҳининг 2018 йил июнь ойида чиқарилган Ddu-Du Ddu-Du таронасига ишланган клип икки миллиарддан ортиқ кўрилган.
Бу Blackpink гуруҳининг биринчи жаҳон рекорди эмас. Аввалроқ 2016 йилда ташкил этилган мусиқий гуруҳ YouTube каналида энг кўп обуначилар сони (86,9 миллион фойдаланувчи) бўйича Гиннеснинг рекордлар китобига киритилган эди.
Бундан ташқари, Blackpink Буюк Британия ва АҚШда альбом жадвалларида биринчи ўринни эгаллаган биринчи аёллардан ташкил топган К-поп гуруҳига айланди. Март ойида эса Blackpink 8,8 миллиарддан ортиқ тинглашлар сони бўйича Spotify’да энг кўп транслация қилинган қизлар гуруҳига айланди.
Изоҳ (0)