Футбол бўйича Еврокубокларнинг ярим финал иштирокчилари аниқланди.
Унга кўра, Италия жамоалари етакчига айланди. Чемпионлар Лигаси, Европа Лигаси ва Конференциялар Лигасида италянларнинг 5 та жамоаси иштирок этади.
ЕЧЛ ярим финалига “Милан” ва “Интер” жамоалари чиқди. Улар ушбу босқичда ўзаро тўқнаш келади. Маълумот учун, бу “россонери” ва “нераззури” учун турнирдаги учинчи ўзаро тўқнашув бўлади.
Европа Лигаси ярим финалига эса “Ювентус” ва “Рома” жамоалари йўл олди. Турин клуби “Севилья”га қарши майдонга тушса, Жозе Моуриньо шогирдлари “Байер” билан ўйнайди. Конференциялар Лигасида эса “Фиорентина” финал учун кураш олиб боради. Унинг рақиби швейсариянинг “Базел” жамоаси бўлади.
Еврокубоклар ярим финалига Англия (“Манчестер Сити”, “Вест Ҳэм”) ва Испаниядан (“Реал Мадрид”, “Севилья”) 2 тадан жамоа етиб келди. Шунингдек, Германия, Нидерландия ва Швейцариядан биттадан жамоа иштирок этади.
Изоҳ (0)