Italiyadan 5 ta, Angliya va Ispaniyadan 2 ta vakil Yevrokuboklarning 1/2 finalida ishtirok etadi

Futbol bo‘yicha Yevrokuboklarning yarim final ishtirokchilari aniqlandi.

Unga ko‘ra, Italiya jamoalari yetakchiga aylandi. Chempionlar Ligasi, Yevropa Ligasi va Konferensiyalar Ligasida italyanlarning 5 ta jamoasi ishtirok etadi.

YCHL yarim finaliga “Milan” va “Inter” jamoalari chiqdi. Ular ushbu bosqichda o‘zaro to‘qnash keladi. Ma’lumot uchun, bu “rossoneri” va “nerazzuri” uchun turnirdagi uchinchi o‘zaro to‘qnashuv bo‘ladi. 

Yevropa Ligasi yarim finaliga esa “Yuventus” va “Roma” jamoalari yo‘l oldi. Turin klubi “Sevilya”ga qarshi maydonga tushsa, Joze Mourinyo shogirdlari “Bayer” bilan o‘ynaydi. Konferensiyalar Ligasida esa “Fiorentina” final uchun kurash olib boradi. Uning raqibi shveysariyaning “Bazel” jamoasi bo‘ladi.

Yevrokuboklar yarim finaliga Angliya (“Manchester Siti”, “Vest Hem”) va Ispaniyadan (“Real Madrid”, “Sevilya”) 2 tadan jamoa yetib keldi. Shuningdek, Germaniya, Niderlandiya va Shveysariyadan bittadan jamoa ishtirok etadi.