Олма — дунёдаги энг кенг тарқалган мева ҳисобланади. Инглиз ва хитой халқи орасида олма ҳақида турли хил мулоҳазалар мавжуд. Ҳар куни олма истеъмол қилган инсон шифокор қабулига бормайди. Ҳозирда 10 мингта олма навлари мавжуд, бироқ таъмга қўшимча равишда улар орасидаги фарқ нимада эканини ҳамма ҳам билмайди.
Қизил ва сариқ олмалар ширинроқ ва шунингдек уларнинг калорияси ҳам юқори. Бу олмалар кўз, мия ва қон томирлари учун фойдали бўлган бета-каротинни ўз ичига олади. Қизил ва сариқ рангдаги олмаларни ошқозоннинг кислоталилиги юқори бўлган инсонлар бемалол истеъмол қилиши мумкин. Бундан ташқари, бу олма таркибида кучли антиоксидант кверцетин мавжуд.
Яшил олмаларга келсак, ошқозон касалликлари билан оғриган инсонлар уни истеъмол қилмагани маъқул. Бироқ бундай олмалар қоматга эътибор қаратадиган инсонлар учун фойдалироқ ҳисобланади, чунки улар қизил рангли олмага қараганда кам шакарни ўз ичига олади.
Шунингдек, яшил олма таркибида кўпроқ C, B витаминлари ва темир мавжуд. Бу олмаларни кузда истеъмол қилган маъқул. Яшил олманинг яна бир устунлик томони шундаки, уларни истеъмол қилган инсонларда аллергик реакцияга мойил бўлиш эҳтимоли камроқ.
Агар сизда ҳеч қандай контрендикация бўлмаса, турли хил рангдаги олма есангиз ҳам бўлади, шунда уларнинг организмга ижобий таъсири максимал бўлади.
Маслаҳат
Ёдда тутинг, олма пўсти тиш эмалини мустаҳкамлашга ёрдам беради. Уни майда тўғраб, тиш эмалига суртиш ва шу ҳолатда 5-10 дақиқага қолдириш керак. Жараённи ҳафтада 3-4 марта бажариш тавсия этилади.
Изоҳ (0)