Кўз атрофидаги жой энг нозик теридир, шунинг учун у парвариш ва бўяниш маҳсулотларини эҳтиёткорлик билан танлашни талаб қилади. Хатоликка йўл қўйсангиз, дарҳол бунинг натижаси унда акс этади. Косметология соҳаси бўйича эксперт мутахассис ёрдамида айнан кўз атрофига қўлланмаслиги керак бўлган гўзаллик маҳсулотлари ҳақида сўз юритамиз, деб ёзади Marie Claire нашри.
Тана ёки қўл креми
Maxсус кўз атрофига мўлжалланган крем қаришга қарши парвариш бўйича энг муҳим воситалардан бири эканлигини тушуниш муҳимдир. Кўпинча қизлар қаришга қарши таъсирга эга бўлиш умидида бу соҳага қўл кремини суртишади. Шуни ёдда тутиш керакки, кўз остидаги тери бир неча марта юпқа ва унда тери ости ёғ безлари деярли йўқ. Шунинг учун у қора доиралар ва шиш пайдо бўлишига мойил. Бу соҳага алоҳида крем ва свороткалар ишлатган маъқул.
Гиалурон кислотали крем
Ажинлар ва кўз атрофидаги “қарға оёқларига” қарши курашда аёллар ўзларининг фикрича, кўз остидаги намликни оширадиган ҳар қандай таркибий қисмларни ўз ичига олган кремларни қидира бошлайдилар. Аслида, кўз атрофидаги майдонга гиалурон кислотасини ўз ичига олган одатий крем қўлланилиши мумкин эмас.
Эътибор қаратиш лозимки, крем махсус, яъни фақат кўз атрофи учун мўлжалланган — таркибида антиоксидантлар, кўз атрофидаги терини тортадиган ва ажинларни текислайдиган махсус аминокислоталар ёки пептидлар мавжуд бўлсин.
Идеал ечим витамин C, ниацинамид, пептидлар ёки керамидлардан иборат кремдир. Бу компонентларнинг барчаси терини тўлдиради ва кўз остидаги доираларни сезилмаслиги учун курашади. Витамин К, кўк чой экстракти ёки полифеноллар каби компонентлар шишни енгиллаштиради ва кўз атрофидаги терини ёшартиради.
Ёдингизда бўлсин, шиш пайдо бўлишининг олдини олиш учун ҳар қандай своротка ва кремлар кўз атрофига уйқуга ётишдан ярим соат олдин қўлланилиши керак.
Гидрогел патчлари
Гидрогел патчлари Корея ва Япониядан бизгача етиб келган машҳур гўзаллик маҳсулотидир. Бу тери учун ҳақиқий топилма бўлиб туюлади, лекин аслида унчалик эмас. Кўп одамлар учун гидрогел патчлари қарши кўрсатмага эгадир, чунки улар кўз атрофидаги терини намлантирмайди, аксинча, намликни йўқотади. Шу сабабдан улардан тез-тез фойдаланишимиз нозик тери дерматитига ёки шишишнинг кучайишига мойил қилиб қўйиши мумкин.
Ёғлар
Кўз атрофидаги терига турли ёғлардан суртиш тавсия этилмайди. Кўплар терига ёғ сурилганда у ёшартирувчи таъсир кўрсатади, деб ўйлайди. Бироқ бундай таъсир юз бермайди. Бундан ташқари, у фақат терида керакциз қатлам ҳосил қилади ва унинг нафас олишини қийинлаштиради.
Тонал крем
Уйқусизлик белгиларини яширишга уринишда одатий тонал креми тез-тез ишлатилади. Аслида тонал крем бу соҳада фойдаланиш учун мўлжалланмаган. Оқибатда, у нафақат ташқи камчиликларни бўрттирибгина қолмай, балки терини қуруқлаштиради. Бу ҳолда, фақат терининг турига мос келадиган вариант — консилер бўлиши мумкин.
Мавзуга доир:
Изоҳ (0)