Kosmetik moylar, tonal krem: yuz terisida husnbuzar va qora nuqtalar paydo bo‘lishining boshqa sabablari

Yuzda akne paydo bo‘lishining turli sabablari bor. Terini tozalashga yordam beradigan ba’zi muhim maslahatlar bilan bo‘lishamiz.

Noto‘g‘ri tarkibga ega kremlar

Kremingiz tarkibini diqqat bilan o‘rganing: agar kompozitsiyada lanolin atsetat (atsetillangan lanolin spirti) va butil sterat (butil stearat) bo‘lsa, bu komponentlar teri teshiklarining tiqilib qolishiga olib kelishi mumkin.

Tabiiy yog‘lar

Tabiiy yog‘larning afzalliklari haqida bir necha bor gapirganmiz, lekin ba’zi yog‘lar teri teshiklarining tiqilib qolishiga olib keladi. Bu zaytun va bodom moylari, shuningdek, kakao moyi bo‘lishi mumkin. Yaxshisi, kosmetik aralashmalardan foydalangan ma’qul — bu borada ular butunlay xavfsizdir.

Terini yaxshi tozalamaslik

Makiyajni faqat suv va ko‘pik yoki gel bilan yuvish ko‘pincha yetarli bo‘lmaydi. Kosmetika qoldiqlari oddiy ko‘zda ko‘rinmaydi, lekin juda tez orada qora nuqta, yuzdagi akne, tiqilib qolgan teshiklar ko‘rinishida teri tashqarisiga chiqishi mumkin. Nima qilsa bo‘ladi? Avval iliq suv va tozalash vositasi bilan, keyin qoldiqlarni mitsellar suv yoki gidrofil moy bilan arting.

Tonal krem

Tarkibi zich tonal kremlar teri nafas olishiga imkon bermaydi, qaytaga teshiklarni yopib qo‘yadi. Agar teringizda allaqachon akne bo‘lsa, uni tonal krem ​​bilan yopishga urinmang — bu vaziyatni yanada og‘irlashtiradi. Buning o‘rniga zamonaviy tonal zardoblardan foydalaning.

Noto‘g‘ri ovqatlanish

Noto‘g‘ri ovqatlanish nafaqat qomatga, balki teriga ham zarar yetkazadi. Yog‘ bezlarining ortib borayotgan ishini achchiq va yog‘li ovqatlar, shirinliklar ko‘paytiradi. Agar toza terini orzu qilsangiz, ko‘proq sabzavot iste’mol qiling, ko‘p miqdorda oddiy suv iching, kartoshka fri va yog‘li go‘sht kabi mutlaqo nosog‘lom taomlardan voz kechishga harakat qiling.

B5 vitamini yetishmasligi

Teri toshmasi va akne paydo bo‘lishining yana bir ichki sababi B5 vitamini yetishmasligidir.

Stress

Barcha kasalliklar asabdan. Teri teshiklarining tiqilib qolishi ham kuchli stress va tananing noto‘g‘ri ishlashi natijasida yuzaga kelishi mumkin. Nima qilish kerak? Tinchlaning va yana tinchlaning.

Organizmda rux yetishmasligi

Komedonlarning yana bir keng tarqalgan sababi tanada rux yetishmasligidir. Bu element nafaqat terining, balki soch va tirnoqlarning ham go‘zalligi uchun juda muhimdir — u gormonlar muvozanatini, immunitet ishlashini va hujayra bo‘linishining normal tezligini tartibga soladi. Rux yetishmasligi ham yog‘ bezlarining noto‘g‘ri ishlashiga olib keladi.