Тери ҳар 28 кунда янгиланишига қарамай, уни мунтазам равишда парвариш қилиш керак. Баъзан оддий нарсаларга эътибор бермаймиз, аммо улар терининг ҳолатини сезиларли даражада яхшилаши мумкин.
Юмшоқ кўпикдан фойдаланишади
Дерматологлар мевали кислоталар, гликолик ёки сут кислоталари билан юз ювиш воситаларини танлашни тавсия қилади. Ушбу ингредиентлар ўлик тери ҳужайраларини авайлаб ювишга ёрдам беради. Юваётганда ҳам юзингизни секин ва мулойимлик билан массаж қилинг.
Таркибида C витамини бўлган маҳсулотларни ишлатишади
Дерматологларнинг фикрига кўра, C витамини қизариш ва яллиғланишни камайтиришга ёрдам берувчи хусусиятларга эга. Ҳар куни қўлланилганда C витамини терини оқартиришга ва тинчлантиришга ёрдам беради.
Бу барча тери турлари учун яхши самара беради. Аввалига C витаминининг паст консенрацияси бўлган маҳсулотдан фойдаланинг — тахминан 10%. Кейин сезувчанлик даражасига қараб консенрацияни аста-секин оширишингиз мумкин.
Қишда қуюқ намлантирувчи крем қўллашади
Қишда қўшимча стресслар туфайли эҳтиёт бўлиш керак. Терининг ҳимоя тўсиғи бузилиши мумкин, бу эса акне пайдо бўлишига олиб келади. Дерматологлар совуқ мавсумда жўхори, керамидлар ёки B3 витамини деб ҳам аталадиган ниацинамид каби ингредиентларни ўз ичига олган кремлардан фойдаланишни маслаҳат беришади.
Мобил телефон экранини мунтазам артиб туришади
Кир телефон туфайли ёноқларда акне пайдо бўлиши мумкин. Телефон ҳар доим қўлда бўлгани учун бактериялар учун кўпайиш майдонига айланади. Телефонингизни юзингизга тутганингизда бу бактериялар терингизга тушиши мумкин. Экранни тез-тез антибактериал салфетка билан артинг.
Қон айланишига эътибор беришади
Ёш ўтган сари тери камроқ кислород ва озуқа моддаларини олади. Натижада у қурий бошлайди. Қон оқими яхши айланиши учун кунига 3 дақиқа бошингизни пастга осилтириб туринг — бу терини парвариш қилиш бўйича энг яхши маслаҳатлардан бири. Ушбу машқни деворга тик турган ҳолда ёки бошингизни ётоқнинг четига осилтириб бажаришингиз мумкин.
Ёғли тери учун қуёшдан сақловчи пудра ишлатишади
Терини қуёшнинг зарарли таъсиридан ҳимоя қилиш қанчалик муҳимлигини ҳамма билади. Кремга муқобил сифатида қуёшдан ҳимоя қилувчи пудрадан фойдаланиш мумкин. Минерал асосли пудра қуёшдан қўшимча ҳимоя қилиш ва тери ялтирашини камайтиришга ёрдам беради.
Қуёшдан ҳимоя қилувчи крем намлантирувчи крем сифатида ишлатилади
Гап қуёшдан ҳимоя қилишдан ташқари, намловчи хусусиятларга ҳам эга крем ҳақида кетяпти. Қуёшга қарши кремни нафақат юзингизга, балки қўл ва оёқларингизга ҳам суртишингиз мумкин. Бироқ терининг турига мос маҳсулотни танлаш жуда муҳим.
Қуруқ тери учун гиалурон кислотаси ёки глицеринли крем мос келади; ёғли учун — акне олиб келиши мумкин бўлган ёғларсиз; таъсирчан терилар учун эса парабенсиз ва сулфатсиз крем қидиринг.
Юзни бир томонга босиб ухлашмайди
Мунтазам равишда ён томонда ухлаганда, бир томонга жуда кўп босим тушади. Бу ёноқ суякларини эзади, ишқаланиш ва босим туфайли ажинлар пайдо бўлишига олиб келади. Чалқанча ухлаган маъқул: бу билан юз териси босимга дучор бўлмайди ва силлиқ бўлади.
Изоҳ (0)