Самарқанд вилояти Оқдарё туманида ҳаракатланиб кетаётган юк машинаси ёниб кетди. Вилоят Фавқулодда вазиятлар вазирлиги ҳолат юзасидан маълумот берди.
Хабарга кўра, 18 апрель куни соат 15:14 да Самарқанд вилояти Оқдарё тумани ҳудуддидан ўтувчи М-37 автомобиль йўлининг 16-километрида ҳаракатланиб кетаётган, фуқаро И.Б. бошқарувида бўлган Shacman русумли юк автомобилида ёнғин содир бўлгани ҳақида вилоят ФВБга хабар берилган.
Воқеа жойига 2 та ёнғин-қутқарув экипажи соат 15:28 да етиб бориб, ёнғин соат 15:46 да ўчирилган. Ҳодиса оқибатида тан жароҳати олган ва ҳалок бўлганлар йўқ. Ҳозирда терговга қадар текшириш ишлари олиб борилиб, ёнғиннинг келиб чиқиш сабаби ва зарари аниқланмоқда.
Изоҳ (0)