Фарғона вилояти Олтиариқ туманида учта юк машинаси иштирокида йўл транспорт ҳодисаси содир бўлди. Бу ҳақда вилоят Йўл ҳаракати хавфсизлиги бошқармаси ахборот хизмати хабар берди.
Хабарга кўра, ҳолат 17 апрель куни соат 23:30 ларда Олтиариқ тумани ҳудудидан ўтган А-373 Тошкент-Ўш автомобиль йўлининг 347-километрида содир бўлган. 1986 йилда туғилган ҳайдовчи С.Т HOWO русумли юк автомобилини бошқариб кетаётиб, рул бошқарувини йўқотган ва йўл четида тўхтаб турган, 1986 йилда туғилган ҳайдовчи М.Б бошқарувидаги Isuzu юк автомобилининг орқа қисмига бориб урилган.
Оқибатда ушбу Isuzu автомобили бошқарувни йўқотиб ўзидан олдинда тўхтаб турган 1982 йилда туғилган ҳайдовчи М.М бошқарувидаги яна бир Isuzu’нинг орқа қисмига бориб урилган.
Дастлабки маълумотларга кўра, тўқнашув натижасида автомобиллар техник шикастланган, тан жароҳати олганлар йўқ. Ҳозирда ушбу ҳолат юзасидан терговга қадар текширув ҳаракатлари олиб борилмоқда.
Изоҳ (0)