Футбол бўйича Қозоғистон Премьер Лигасининг 6-турида “Ордабаси” ва “Тобол” жамоалари 16 апрель, якшанба куни ўзаро тўқнаш келди.
Учрашувнинг биринчи бўлимида ҳар икки жамоа вакиллари биттадан тўп киритишга эришди. 72-дақиқада Бобур Абдухолиқов “Ордабаси”ни ҳисобда олдинга олиб чиқди. Кейинроқ майдон эгалари яна иккита тўп киритган ҳолда, ҳисобни йирик кўринишга олиб келди.
Мазкур баҳсда “Ордабаси” сафида ҳаракат қилаётган ўзбекистонлик футболчилардан Шаҳбоз Умаров асосий таркибда майдонга тушди, гол муаллифига айланган Абдухолиқов эса захирадан ўйинга қўшилди. “Тобол”нинг ўзбекистонлик легионери Игор Сергеев ҳам дастлабки дақиқалардан майдонда ҳаракат қилди.
Мазкур ғалаба эвазига “Ордабаси” очколарини 13 тага етказиб, 3-ўринга кўтарилди. “Тобол” 10 очко билан 7-поғонани банд этиб турибди.
Қозоғистон Премьер Лигаси
6-тур баҳси
16 апрель, якшанба
“Ордабаси” – “Тобол” 4:1
Голлар: 1:0 – 21 Тагиберген, 1:1 – 22 Дебле, 2:1 – 72 Абдухолиқов, 3:1 – 76 Малий, 4:1 – 86 Садовский.
Изоҳ (0)