Футбол бўйича Испания чемпионатининг 29-турида “Барселона” 16 апрель, якшанба куни “Хетафе” майдонига сафар қилди.
Учрашувда каталонлар устунликка эришган бўлса-да, рақиб дарвозасига йўл топа олмади ва ўйин нурсиз дуранг билан якун топди.
Шу тариқа Хави жамоаси кетма-кет иккинчи ўйинда нурсиз дуранг қайд этди. “Реал” билан Испания Кубогидаги ўйинни (0:4) ҳам ҳисоблаганда “Барселона” кетма-кет учта ўйиндан бери ғалаба қозона олмаяпти ва гол уролгани йўқ.
“Кўк-анорранглилар” 73 очко билан биринчи ўринда бормоқда. Таъқибчи “Реал” билан ўртадаги фарқ 11 очкони ташкил қилмоқда. “Хетафе” 31 очко билан 15-ўринда қайд этилган.
“Барселона”нинг кейинги ўйини “Атлетико”га қарши бўлади. “Камп Ноу” мезбонлигидаги учрашув 23 апрель санасига мўлжалланган.
Ла Лига
29-тур баҳслари
16 апрель, якшанба
“Хетафе” – “Барселона” 0:0
“Хетафе”: Сория, Суарес (Альварес, 83), Жене, Дуарте, Алдерете, Иглесиас (Порту, 67), Максимович (Алгобия, 76), Миля, Унал (Вильяр, 83), Мунир (Аленья, 76), Майораль.
“Барселона”: тер Штеген, Серхи Роберто (Эрик Гарсия, 18), Кунде, Араухо, Альба (Ферран Торрес, 68), Бускетс, Кессиэ (Фати, 68), Гави, Балде, Рафинья (Торре, 87), Левандовски.
Огоҳлантиришлар: Гави (2), Алдерете (42), Суарес (57).
“Жирона” – “Элче” 2:0
Голлар: 1:0 – 45 Кастелянос, 2:0 – 70 Ромеу.
Изоҳ (0)