Ўзбекистонда мактаб директорларини лавозимга тайинлаш тизими ўзгариши мумкин. Бу ҳақда Мактабгача ва мактаб таълими вазирлиги матбуот хизмати хабар қилди.
“Вазирга мурожаат” порталига келиб тушаётган мазмунан бир хил саволларга видеобаёнот тарзида берилган жавобга кўра, Мактабгача ва мактаб таълими вазирлиги томонидан мактаб директорларини лавозимга тайинлаш ва умумтаълим муассасаларини замонавий билимли раҳбар кадрлар билан таъминлаш мақсадида қатор амалий ишлар олиб борилмоқда.
“Хусусан жорий йил давомида мактабгача ва умумий ўрта таълим ташкилотлари директорларини лавозимга тайинлаш ва лавозимидан озод этиш жараёнини Қорақалпоғистон Республикаси мактабгача ва мактаб таълими вазирлиги, вилоятлар ва Тошкент шаҳар мактабгача ва мактаб таълими бошқармалари томонидан танлов асосида ташкил этиш бўйича тегишли ҳуқуқий ҳужжат лойиҳаси тайёрланмоқда”, — дейилади баёнотда.
Айни пайтда мактаб директорларини лавозимга тайинлаш ва лавозимдан озод қилиш ҳокимлар бошчилигидаги маҳаллий халқ депутатлари кенгаши билан келишилган ҳолда амалга оширилмоқда.
Изоҳ (1)
BU AJOYIB TAKLIF