Maxсус ҳарбий чиқишлар, санъат вакилларининг иштироки. Тошкент шаҳар ички ишлар бош бошқармасида бўлиб ўтган “Конституция ўзимизники” тадбиридан фоторепортаж
Бугун, 16 апрель куни Тошкент шаҳар ички ишлар бош бошқармасида “Конституция ўзимизники” тарғибот тадбири бўлиб ўтди. Бу ҳақда “Дарё” мухбири хабар берди.
Тадбирда ички ишлар органлари ходимлари, истеъфодаги ҳарбий хизматчилар, хизмат вақтида ҳалок бўлган ходимларнинг оила аъзолари ҳамда санъат ва маданият вакиллари иштирок этишди.
Сўзга чиққан истеъфодаги полковник ўзининг хизмат вақтларини ёдга олиб, бугунги кунда фаолиятини олиб бораётган ёшларга зарур тавсияларни берди.
Шунингдек, марҳум сафдор Баҳром Эргашевнинг онаси Насиба Эргашева ҳам сўзга чиқиб, фарзандининг иш фаолияти ҳақида гапирди.
“Ўғлим 27 ёшда бўлган. 4 йилдан ошиқ хизмат қилди. Ёшлигидан “мен форма кияман, ҳарбий хизматчи бўламан деб айтарди. Бўлди ҳам. Ҳозир икки нафар фарзанди бор, 2 ва 4 ёш. Уларни келгусида мамлакатимизга керак бўлган кадр қилиб етиштиришга ҳаракат қиламан. Мусибат вақтимизда давлатимиз томонидан катта ёрдамлар берилди. Ҳозир ҳам улар биз билан”, — дейди у.
Бундан ташқари, тадбирда турли хил махсус ҳарбий чиқишлар ҳам намойиш этилди.
Изоҳ (0)