Тошкент шаҳрида 14 апрель куни “Ёшлар ўртасида мини футбол ва футбол спорт турлари бўйича бўйича Давлат хавфсизлиги хизмати кубоги”нинг Тошкент шаҳар босқичига бағишланган брифинг бўлиб ўтди.
Унда ДХХ Тошкент шаҳри бўйича бошқармаси, Тошкент шаҳар ҳокимлиги, Тошкент шаҳар ёшлар сиёсати ва спорт бош бошқармаси, ҳокимлик тизимидаги қатор бошқарма мутасаддилари, туман ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари, ПФЛ ва ОАВ вакиллари иштирок этди.
Қайд этилишича, мусобақанинг Тошкент шаҳар босқичи иккита босқичдан иборат бўлади. Биринчи босқич апрель ва май ойларида Тошкент шаҳри туманлари маҳаллалари ўртасида ўтказилади.
Иккинчи босқич шаҳар миқёсида ўтказилади ва туман босқичида ғолибликни қўлга киритган жамоалар ўртасида июнь—июль ойларида ташкиллаштирилади.
Маълумотларга кўра, маҳаллаларда 16 ёшдан 30 ёшгача бўлган ёшлардан иборат мини футбол бўйича 585 та, футбол бўйича 585 та ва қизлардан ташкил топган мини футбол бўйича 48 та жамоа шакллантирилган ҳамда ушбу мусобақаларда иштирок этиши режалаштирилган.
Изоҳ (0)