Андижон шаҳрида бир гуруҳ қизлар Damas ойнасидан танасини чиқариб ҳаракатланди. Бу ҳақда Ички ишлар вазирлиги ахборот хизмати хабар берди.
Хабарга кўра, ҳолат 2023 йил 10 апрель куни тахминан соат 16:00 ларда содир бўлган. Бир гуруҳ қизлар тўйга олиб боришга Damas ҳайдовчисини гаплашади. Шундан сўнг машина ҳаракатлангач, улар танасининг ярмини ойнадан чиқариб, белгиланган тартиб-қоидаларни бузган.
“Мен 10-12 метр юрганимда улар бошини чиқариб, турли ҳаракатлар қилишни бошлади. Шу вақт мен машинани тўхатиб, уларга ичкарига киринглар дедим”, — дейди ҳайдовчи.
Шунингдек, қизлар ҳам ўз ишига изоҳ бериб, бундан пушаймонлигини айтиб ўтган.
“Ҳайдовчининг йўлини тўсиб, биз ‘ЗАГС’га бордик. Билмай бу ишни қилибмиз”, — дейди қизлардан бири.
“Биз Damas чақириб, ‘ЗАГС’га чиқаётган эдик. Ойнани очиб, бақир-чақир қилиб, ойнадан чиқдик. Шундан пушаймонмиз”, — дейди яна бир қиз.
Қоидабузар қизларга нисбатан Маъмурий жавобгарлик тўғрисидаги кодекснинг тегишли моддаларига асосан маъмурий баённома расмийлаштирилиб, улар билан тушунтириш ишлари олиб борилган.
Изоҳ (0)