Ла Лига футболчилари жорий мавсум 113 та қизил карточка олди. Бу АПЛдаги кўрсаткичдан деярли 4 марта кўп

Испания чемпионати ҳамон жорий мавсумдаги қизил карточкалар сони бўйича етакчилик қилмоқда.

Испания чемпионати жорий мавсумида ҳакамлар 113 та қизил карточка кўрсатишга улгурган. Бу АПЛ, Бундеслига ва А Серияни биргаликда ҳисоблагандаги миқдордан (111) ҳам кўп.

Топ-5 лигалар жорий мавсумида сариқ ва қизил карточкалар

Премьер Лига футболчилари жорий мавсум 28 бор четлатилган, бу Испаниядаги миқдордан деярли тўрт баробарга кам.

Сариқ карточкалар бўйича ҳам Примера етакчилик қилмоқда. Ҳакамлар бир ўйинда ўртача 5 тадан кўп сариқ карточка кўрсатмоқда. Солиштириш учун Францияда бу кўрсаткич 3,3 ни ташкил қилади.

Топ-5 лигалар клублари орасида “Бетис” четлатишлар сони бўйича етакчи. Топ-10 ликдаги 7 та клуб Ла Лигадан, яна учтаси Лига 1 вакиллари.

• “Бетис” (12 та қизил карточка)
• “Элче” (11)
• “Севилья” (11)
• “Монпелье” (9)
• “Эспаньол” (8)
• “Хетафе” (8)
• “Реймс” (8)
• “Аяччо” (7)
• “Атлетико” (7)
• “Кадис” (7)

Ла Лига топ-клублари орасида “Атлетико” қизил карточкалар бўйича “етакчилар” орасида бўлса, “Барселона” футболчилари жорий мавсум 6 марта четлатилди, “Реал”да эса бор-йўғи битта қизил карточка бор.

Икки нафар футболчи ушбу мавсумда уч марта қизил карточка олди — Исаак Карселен (“Кадис”) ва Луис Фелипе (“Бетис”). “Атлетико” вакили Стефан Савич бешта ўйинда 3 марта четлатилди, бироқ битта қизил карточка кубок ўйинида кўрсатилган.