Бугун, 11 апрель куни Тошкентда тадбиркорлар иштирокида “Конституция ўзимизники” тарғибот тадбири бўлиб ўтди. Бу ҳақда “Дарё” мухбири хабар берди.
Тадбирда Савдо-саноат палатаси вакиллари, тадбиркор ва ишбилармонлар иштирок этди.
Маълумки, узоқ йиллар мобайнида тадбиркорликка бўлган эътибор жуда паст бўлиб келди. Сўнгги 6 йилда вазият бутунлай ўзгарди, бугунги кунда тадбиркорликка мамлакатнинг асосий соҳаси сифатида қараш бошланди.
2021 ва 2022 йилларда президент Шавкат Мирзиёев тадбиркорлар билан учрашди. Давлат раҳбари бизнес эгаларининг муаммоларига қулоқ тутди, уларни ҳал этиш бўйича ташаббусларни илгари сурди.
Бугунги тадбирда савдо-саноат палатаси раиси Даврон Ваҳобов сўзга чиқиб, янги таҳрирдаги Конституциядаги тадбиркорликка оид жиҳатларни айтиб ўтди.
Шунингдек, “МФактор” лойиҳаси раҳбари Ҳасан Мамасаидов тадбиркорларни йиллар давомида қийнаб келган муаммолар ҳақида гапириб ўтди.
Бундан ташқари, кўплаб ишбилармонлар, инвесторлар ҳам сўзга чиқиб, ўз фикларини билдиришди.
Тадбирда Савдо-саноат палатаси томонидан ишлаб чиқилган “Тадбиркор Ўзбекистон” журнали тақдимоти ҳам бўлиб ўтди. Журналдан ўрин олган тадбиркорлар биргаликда суратга тушди.
Изоҳ (0)