Bugun, 11-aprel kuni Toshkentda tadbirkorlar ishtirokida “Konstitutsiya o‘zimizniki” targ‘ibot tadbiri bo‘lib o‘tdi. Bu haqda “Daryo” muxbiri xabar berdi.
Tadbirda Savdo-sanoat palatasi vakillari, tadbirkor va ishbilarmonlar ishtirok etdi.
Maʼlumki, uzoq yillar mobaynida tadbirkorlikka bo‘lgan eʼtibor juda past bo‘lib keldi. So‘nggi 6 yilda vaziyat butunlay o‘zgardi, bugungi kunda tadbirkorlikka mamlakatning asosiy sohasi sifatida qarash boshlandi.
2021 va 2022-yillarda prezident Shavkat Mirziyoyev tadbirkorlar bilan uchrashdi. Davlat rahbari biznes egalarining muammolariga quloq tutdi, ularni hal etish bo‘yicha tashabbuslarni ilgari surdi.
Bugungi tadbirda savdo-sanoat palatasi raisi Davron Vahobov so‘zga chiqib, yangi tahrirdagi Konstitutsiyadagi tadbirkorlikka oid jihatlarni aytib o‘tdi.
Shuningdek, “MFaktor” loyihasi rahbari Hasan Mamasaidov tadbirkorlarni yillar davomida qiynab kelgan muammolar haqida gapirib o‘tdi.
Bundan tashqari, ko‘plab ishbilarmonlar, investorlar ham so‘zga chiqib, o‘z fiklarini bildirishdi.
Tadbirda Savdo-sanoat palatasi tomonidan ishlab chiqilgan “Tadbirkor O‘zbekiston” jurnali taqdimoti ham bo‘lib o‘tdi. Jurnaldan o‘rin olgan tadbirkorlar birgalikda suratga tushdi.
Izoh (0)