АҚШ президенти Жо Байден мамлакатда COVID-19 пандемияси билан боғлиқ фавқулодда ҳолат тартибини бекор қилувчи қонунни имзолади. Бу ҳақда Оқ уй сайтида чоп этилган баёнотда айтилади.
Мамлакатда 2020 йил 1 мартдан бошлаб фавқулодда ҳолат жорий қилинган ва бир неча бор узайтирилган. 31 январь куни Оқ уй бошқарув ва бюджет бўлими матбуот хизмати президент маъмурияти режимни 11 майдан тугатиш тарафдори эканини маълум қилганди.
2023 йил 10 апрель ҳолатига кўра, АҚШда бир ҳафта ичида 120 000 дан ортиқ кишида коронавирус аниқланган, касалликдан 1 773 ўлим ҳолати қайд этилган. Бу ҳақда Америка Касалликларни назорат қилиш маркази хабарида айтилади.
9 апрель куни Мiami Health System университети ва Майами университети қошидаги Миллер тиббиёт мактаби АҚШда мияси шикастланган икки бола туғилганини, бунга уларнинг оналари ҳомиладорлик пайтида коронавирус юқтиргани сабаб бўлганини маълум қилди. Иккаласида ҳам судирги, микросефалия ва ривожланишдан ортда қолиш бор, чақалоқларнинг COVID-19 учун тести манфий бўлса-да, уларда антитаначалар сони жуда юқори экани аниқланган.
Эслатиб ўтамиз, 2021 йил 23 февралда АҚШда коронавирус инфекциясидан вафот этганлар сони 500 минг кишидан ошган эди. Шу муносабат билан Байден мотам белгиси сифатида бутун мамлакат бўйлаб байроқларни беш кун давомида ярим туширилган ҳолатда қолдиришни буюрган.
Изоҳ (0)