Арманистон Тергов қўмитаси бош вазир Никол Пашинянга соябон улоқтирган аёлга нисбатан жиноий иш қўзғатди. Қўмита Facebook’даги саҳифасида бу ҳақда маълумот берди.
Маълум қилинишича, 10 апрель куни Арманистон бош вазири Ваётс Дзор вилоятининг Малишка қишлоғига ташриф буюрган. 47 ёшли маҳаллий аёл бош вазирнинг расмий фаолиятига тўсқинлик қилиб, унга соябон улоқтирган. Натижада аёл қўлга олиниб, дастлабки тергов олиб борувчи тузилмага олиб кетилган.
Дастлабки тергов ҳаракатлари мансабдор шахсга нисбатан зўравонлик қилиш ва унинг фаолиятига аралашиш бўйича жиноят моддаси бўйича олиб борилмоқда. Ҳуқуқ-тартибот идоралари ходимлари фавқулодда ҳолат тафсилотларини аниқламоқда.
Изоҳ (0)