IT Park Amazon’да фаолият юритаётган тошкентлик дастурий таъминот муҳандиси Бек Акилов ҳақида ҳикоя қилди.
Бек 25 ёшда. Тошкентдаги 50-ўрта умумтаълим мактабини, шунингдек, Мичигандаги Каламазоо коллежини тамомлаган. У ҳозир Сиэтлда яшайди ва дастурий таъминот муҳандиси бўлиб ишлайди.
Чет элга қандай бориб қолган?
2016 йилда у АҚШга ўқишга жўнаб кетди. Бунинг учун у Тошкент халқаро мактабида SAT, SAT Subject Теsт, TOEFL тестларини топширди.
Ўрта мактабдан сўнг келажакда ҳаётимни борган еримда қуриш, касб-ҳунар эгаллаш, Америка маданияти билан яхшироқ танишиш учун чет элда ўқишга қарор қилдим. Мен Мичиганга кўчиб ўтдим, у ерда Каламазоо номли кичик коллежда математика ва информатика бўйича таҳсил олдим, — дейди у.
4 йиллик ўқиш учун виза муаммосиз берилади, шунингдек, магистратура учун ҳам. Аммо сиз коллежни математика, информатика, кимё, физика ёки биология йўналиши бўйича тугатган бўлсангиз, унда ишлаш учун рухсатнома ҳам ўқиш тугаганидан кейин 3 йилга берилади. Бошқа барча мутахассисликлар учун — 1 йил.
Бек ҳозирда Сиэтлда яшайди. У Amazon.cом’да дастурий таъминот муҳандиси бўлиб ишлайди.
У Amazon.com қўллаб-қувватлаш хизматига барча қўнғироқлар ва хабарлар учун масъул бўлган 10 кишидан иборат жамоада фаолият юритади. Иш жуда оғир, чунки Amazon глобал компания бўлиб, агар хизмат, айтайлик, Ҳиндистонда ишламай қолса, кўпинча эрталаб соат 3 да багларни тузатишга тўғри келади. Лекин иш бунга арзийди.
Бундай иш сизга ҳамма нарсани ўз вақтида бажаришга ва тизимни тўғри сақлашга ўргатади, чунки ишлаб чиқаришдаги битта хато ҳам миллионлаб долларга тушиши ва компания обрўсига путур етказиши мумкин. Сиз ишнинг тўлиқ масъулиятини тушунасиз ва жамоа панд бермаслиги учун ўз вазифаларингизни имкон қадар яхши бажарасиз.
Нега айнан АҚШ?
“АҚШда, — дейди рукн меҳмони, — ривожланиш учун барча имкониятлар мавжуд. IT мутахассислари учун маошлар баланд.
Бу ерда доимо қулайлик ҳақида ўйлашади, ҳамма нарса одамлар учун ишлайди. Маҳсулотларни яратиш учун улкан булутли инфратузилма мавжуд. Мен уйда ўтирган ҳолда компанияни рўйхатдан ўтказишим ва миллионлаб/миллиардлаб одамларни қўллаб-қувватлайдиган AWS/GCP хизматини яратишим мумкин.Мен Ўзбекистонда ҳам булутли маълумотларни Ўзбекистондаги мижозларга яқин сақлаши учун ушбу компанияларнинг маълумотлар марказларининг ўз филиалига эга бўлишини истардим.
Бундан ташқари, IT мутахассислари АҚШда катта талабга эга.
АҚШда IT-мутахассис учун иш топиш ҳар доим осон, яхшиси учун эса ундан ҳам осонроқ. Улар оддий кичик компаниялардан тортиб йирик корпорацияларгача барча соҳаларда керак. Гарчи худди шундай тенденция бутун дунёда кузатилмоқда, сўнгги ўн йилликларда ахборот технологиялари соҳасида ҳақиқий “бум” кузатилди.
Ўзбекистон IT-соҳасини қандай баҳолайди?
Бекнинг сўзларига кўра, Ўзбекистоннинг IT-соҳаси улкан салоҳиятга эга. Уни ривожлантириш учун озгина ёрдам керак.
Ўзбекистонда ўзгаришлар қандай юз бераётганини кўриб турибман. Бу катта ютуқ. Ўзбекистон катта салоҳиятга эга, чунки мамлакат минтақавий марказ ҳисобланади. Бу булутли дастурий таъминот бўйича минтақавий марказга ҳам айланиши мумкинлигини англатади.Агар сиз маълумотларни сақлаш ва баcкенд мантиғи учун замонавий хостинг ва булутли хизматларни ярацангиз, бу маҳаллий стартапларни ривожлантириш учун жуда қулай муҳит бўлиб хизмат қилади. Буларнинг барчаси Amazon Web Services, Google Cloud ёки Microsoft Azure маълумотлар марказларининг пайдо бўлиши билан бирга кириб келади”.
“Бу платформалар, — дея давом этади мутахассис, — маҳаллий булутли ечимларга туртки беради, гарчи улар бир хил хизматлардан асос сифатида фойдаланишса-да, барча мамлакатларда бўлгани каби улар билан рақобатлаша олади”. Мисол тариқасида у АWС’дан фойдаланадиган Сингапур булутли провайдери Supabase’ни келтиради.
Ўзбекистон ва АҚШнинг IT-соҳалари бир-биридан кескин фарқ қилишини таъкидлайман. Мисол учун, АҚШда стартаплар халқаро миқёсда бўлиш имконияти туфайли кўпинча ортиқча баҳоланади. Ўзбекистонда пул топиш қийин, аммо бозор ҳар қандай инновацияларга тайёр ва кўп соҳаларда рақобатчилар деярли йўқ.
Ўзбекистонга қайтиш нияти борми, деган саволга Бек буни истисно қилмаслигини айтди.
Агар Software Boom юз берса, албатта, келиб, қизиқарли лойиҳа яратмоқчиман. Умуман олганда, мен халқаро даражага мос келадиган тайёр маҳаллий бизнес ечимларини кўпроқ кўришни истардим. Фикримча, Ўзбекистонга оз вақт ичида бозорга кириш учун Stripe, Godaddy.com, cloudfront, Square, Google Adsense, Easypost (автоматик етказиб бериш) ва бошқаларнинг маҳаллий аналоглари керак.
Ёш мутахассисларга тилаклари
Чет элга кўчиб ўтишни орзу қилган ёш мутахассислар учун Бек кўп ўқишни, айниқса, тил ўрганишни тавсия қилади.
Айтишим мумкинки, мен учун чет элдаги ҳаётда энг қийин нарса инглиз тилини ва сўзлашув нутқини ўрганиш эди. Очиғи, бу жуда узоқ вақт, кўп куч ва амалиётни талаб қилади. Амалиётсиз жараён қийин ва узоқ кечади. Маслаҳатим шуки, доимий равишда ушбу нутқни эшитишингиз, маҳаллий маданиятни тушунишингиз ва аҳолининг фикрлашини тушунишингиз учун маҳаллий дўстлар топинг.Яна шуни қўшимча қилган бўлар эдим: агар ҳали ҳам университетда ўқиётган бўлсангиз, codeforces.com сайтида мисоллар ечишни бошланг ва Ўзбекистон рейтингини кўтаринг. Шунингдек, бу тил ўрганиш ёки Google, Меtа каби халқаро компанияда ишга жойлашиш учун жуда яхши воситадир”.
Изоҳ (0)