Марсда қуруқликдаги ўсимликлардан иборат қўриқхона яратиш таклиф қилинди. Бу ҳақда Futurism хабар берди.
Қўриқхона Қизил сайёрада бўладиганлар учун психологик бошпана ва ботаника боғи бўлиб хизмат қилиши кутилмоқда. Британиянинг Бристол университети муҳандиси Пол Смитнинг фикрича, бундай қўриқхонани Марс юзасидаги улкан гумбаз остида ташкил қилиш мумкин. Мутахассис Ер аҳолисининг бошқариб бўлмайдиган ўсиши сайёра экотизимига жиддий зарар етказаётганини айтиб, Марсда янги колонияларни яратиш кераклигини таъкидлади.
Албатта, Марсдаги шароит Ердагидан сезиларли даражада фарқ қилади. Бу ерда ҳарорат анча совуқроқ, сайёра юзаси қуруқроқ ва бутунлай бошқача атмосферага эга. Бироқ олимлар сайёра юзаси остида музли сув ҳавзалари мавжудлигини прогноз қилмоқда, — дейилади хабарда.Агар Марснинг бу ва бошқа ресурсларидан фойдаланилса, сайёрада гумбаз остида қўриқхона қуриш мумкин. Маҳаллий жинслар қуруқликдаги ўсимликларни етиштиришга ёрдам берадиган баъзи элементларга бой эканини ҳам ҳисобга олиш керак. Аммо Марс тупроғидаги бир қатор муҳим микроэлементлар, жумладан, тупроқни бойитадиган микроорганизмлар етишмайди.
Ҳозирча Смит таклифида ҳал этилмаган муаммо Марсдаги қуёш ва космик радиациянинг даражаси бўлиб, Ердагидан фарқли ўлароқ, магнит майдон ўсимликларга қандай таъсир қилиши ўрганилмаган.
Мавзуга доир: Марсда сабзавот ўстириш қанчалик ҳақиқатга яқин?
Изоҳ (0)