Фарғона вилояти Тошлоқ туманида аҳоли хонадонининг томида туғилган тулки болалари қутқарилди. Бу ҳақда Табиат ресурслари вазирлиги Фарғона вилоят бошқармаси матбуот хизмати хабар берди.
Хабарга кўра, Тошлоқ тумани “Сойбўйи” МФЙ ҳудудида яшовчи фуқаро Равшан Мамажонов хонадонининг том қисмида тулки болалагани ҳақида мурожаат қилган. Бошқарма инспекторлари етиб боргунга қадар жониворлар оч қолиб, нобуд бўлмаслиги учун уй эгаси уларни озиқлантириб турган.
Табиат ресурслари вазирлиги Фарғона вилоят бошқармаси Экоинспекцияси ва Тошлоқ туман бўлими давлат инспекторлари туман ободонлаштириш бошқармаси ходимлари билан ҳамкорликда фуқоранинг том қисмидан тулки болаларини шикаст етказмасдан чиқариб олиб, ҳали парваришга муҳтож 2 нафар тулки болаларини Фарғона шаҳридаги ҳайвонот боғига далолатномага асосан топширди.
Изоҳ (0)