Қашқадарё вилоятининг Чироқчи туманидаги қишлоқларнинг бирида ёввойи айиқ пайдо бўлди. Telegram мессенжеридаги каналларда тарқалган видеода айиқнинг одамлар яшовчи хонадонларгача кириб борганини кўриш мумкин.
“Дарё” манбасининг хабар қилишича, айиқ туманга Самарқанд вилоятидаги қўриқхоналардан кириб келгани тахмин қилинмоқда.
“Айни пайтда туман ҳокими бошчилигидаги тўртта сектор раҳбарлари, туман Экология бўлими ходимлари айиқ борлиги айтилган ҳудуд —''Оқолтин'' маҳалласига етиб борган”, — дейди манба.
.jpg)
Манбанинг айтишича, қишлоққа оралаган айиқ ҳақида туман Экология бўлимига кеча, 4 апрель куни хабар берилган.
“Одамлар айиққа зарар етказмаслиги учун сектор раҳбарлари воқеа жойига келиб, айиқни эсон-омон тутишиб, Самарқанддаги қўриқхонага қайтишни режа қилишган”, — дейди манба.
Қашқадарёда одамлар яшовчи қишлоққа айиқ оралаши аввал ҳам бўлган. Ўшанда айиқ ҳомиладор аёлнинг ҳомиласи тушишига сабаб бўлгани боис, одамлар уни ўлдирганди.
Изоҳ (1)
Bechora ayiqvoy