Президент Шавкат Мирзиёевнинг “Истеъмол бозорларида нархлар барқарорлигини таъминлашга доир қўшимча чора-тадбирлар тўғрисида”ги фармони асосида Ўзбекистонга импорт қилинадиган 36 турдаги товарлар божи ноллаштирилди. Бунинг натижасида республикада юзлаб импорт маҳсулотлари нархи арзонлашмоқда.
“Дарё” мухбири Havas дискаунтерлар тармоғи тижорий директори Пўлат Мавлонов билан суҳбатлашди. Айтилишича, фармонда белгиланган маҳсулотлар Havas'да ҳам арзонлашган.
“Президентимизнинг фармонларига кўра 36 гуруҳга кирувчи маҳсулотларга божхонлар тўловлари ноллаштирилди. Бу Ўзбекистонга мингдан ортиқ маҳсулотлар туширилган нархда кириб келишини англатади.
Бизнинг дўконлар тармоғида 1200 дан ортиқ маҳсулот сотилади. Бу фармон дўконларимизда 200 дан ортиқ маҳсулотларнинг нархи тушишига имкон яратди.
Пештахталарда нархлари туширилган маҳсулотларни харидорлар тезроқ илғаб олишлари учун оловранг нарх билан ёзиб қўйдик.Табиийки ушбу турдаги маҳсулотларнинг савдоси секин-аста ортиб бормоқда. Албатта, буни харидорлар яхши қабул қилишмоқда”.
Аввалроқ Маkrо супермаркетлар тармоғининг операцион директори ўринбосари Талаб Холбеков божлари ноллаштирилган товарлар нархи қай даражада ўзгараётгани тўғрисида маълумот берганди.
Изоҳ (0)