Quyidagi aktyorlar yillar davomida kastinglarga borishadi, shunday mayda-chuyda rollarga ega bo‘lishadiki, hatto eng sinchkov tomoshabin ham ularni payqay olmasdi, keyin esa o‘z maqsadlariga erishadi – ular mashhur bo‘lishadi.
Gvendolin Kristi — xaridor
Birinchi marta aktrisa “Doktor Parnassusning xayoloti” (2009) filmida oddiy mijoz rolida paydo bo‘ladi, o‘sha paytda u 30 yoshda edi. Bungacha Kristi 2 yil davomida faqat qisqa metrajli filmlarda suratga tushgan. Ammo shundan keyin uning karyerasi yuqoriga ko‘tarildi: 2 yildan so‘ng aktrisa “Taxtlar o‘yini”da rol o‘ynadi va bir yildan so‘ng butun dunyoga mashhur bo‘ldi.
Stiv Karell – Tesio
Stiv Karellning kinokaryerasi “Jingalaksoch Syu” (1991) komediyasidagi epizodik roldan boshlanadi. Oradan 14 yil o‘tgachgina “Ofis” va “Qirq yoshli bokira” filmlarining muvaffaqiyati aktyorni yulduzga aylantirdi.
Gvinet Peltrou — Vendi
Gvinet “Kapitan Huk” (1991) filmida epizodik rol o‘ynaydi. U faqat Piter Benning (katta Piter Pen) xotiralari bilan bog‘liq qisqa sahnada paydo bo‘ladi. 4 yildan so‘ng detektivning xotini rolini o‘ynagan “Yetti” trilleri tufayli mashhur bo‘ladi.
Margo Robbi — Kassandra
Gollivud go‘zalining katta ekrandagi debyuti 2008-yilda “Vigilantlar” filmidagi eri o‘limi uchun qasos olmoqchi bo‘lgan jabrlanuvchi roli edi. Ammo 5 yildan so‘ng Margo “Uoll-strit bo‘risi” filmidagi Naomi roliga tanlanadi va aktrisa qisqa vaqt ichida mashhur bo‘ladi.
Silvestr Stallone — metrodagi bezori
Stallone 1969-yilda aktyorlik faoliyatini boshlagan, ammo omadi kelmaydi. Shuning uchun u hayvonot bog‘ida ofitsiant va farrosh bo‘lib ishlaydi. 1971-yilda Vudi Allen bilan “Bananlar” komediyasida bezori rolini oladi, bu rol aktyorga ishonch bag‘ishlaydi. Biroq 1972-yilga kelib Stallone kinoni tark etishga tayyor edi, faqat 4 yil o‘tgachgina “Rokki”ning ajoyib muvaffaqiyati uzoq muddatli omadsizliklarni to‘ldiradi.
Chenning Teytum
Chenning Teytum dastlab modellikda o‘zini sinab ko‘radi. Buning ortidan reklama sohasida ishlaydi va “C.S.I: Mayamidagi jinoyat joyini tekshirish” (2004) serialida kichik rol o‘ynaydi.
2006 yilda Teytum bir vaqtning o‘zida ikkita muvaffaqiyatli film — “U erkak” va “Olg‘a”da rol o‘ynaydi, bu esa uni yulduzga aylantiradi.
Emma Stoun – Shennon
Emmaning karyerasi dastlab yaxshi rivojlanmagan. 2004-yilda u realiti-shouda ishtirok etadi, ammo loyiha sinovdan o‘tgandan keyin bekor qilinadi. “Qahramonlar” (2007) teleseriali uchun kastingga boradi, ammo muvaffaqiyatsizlikka uchraydi. Keyinchalik “Drayv” teleserialida rol o‘ynaydi, ammo u 7-qismdan keyin yopiladi. Bu vaqt ichida ekranga chiqqan yagona serial — bu “Omadli Lui” (2006) bo‘lib, unda u isyonkor qiz Shennon rolini o‘ynaydi.
Keyin uning karyerasi yuqoriga ko‘tariladi va “La La Lend” filmidagi roli “Oskar” olib keldi.
Juliya Roberts — Polli Uiler
Juliyaning akasi, aktyor Erik Roberts kino sanoatida ishlagan bo‘lishiga qaramay, aktrisaning yulduzlikkacha bo‘lgan yo‘li ham oson bo‘lmagan. Birinchi “Yong‘in brigadasi” (1987) filmida bo‘lajak aktrisani hatto titrlarda ko‘rsatish ham zarur deb hisoblanmagan. O‘sha yili u akasi bilan filmda rol o‘ynaydi: unga bir necha so‘z ishonib topshirilgan va filmning o‘zi atigi 2 yil o‘tgach chiqarilgan. Ammo 1990-yilda Juliya “Go‘zal ayol” filmi tufayli butun dunyoga mashhur bo‘ldi.
Metyu Makkonahi — kinoteatrdagi yigit
Metyuga “O‘zga dunyolik yigit” (1993) filmida kinoteatrdagi tomoshabin roli berilganida u bir kun kelib odamlar uning ishtirokida filmlar tomosha qilishlarini kutmagan bo‘lsa kerak. Ammo 3 yil o‘tgach, yigit “O‘ldirish vaqti” dramasida bosh rolga taklif qilinadi. Bu film Metyuni mashhur qiladi va unga nufuzli mukofot olib keladi.
Jek Blek — Rojer Devis
Jek karyerasini 13 yoshida televideniye reklamasida rol o‘ynashdan boshlagan. Ammo keyingi 10 yil ichida unga teleshoularda va katta ekranda faqat kichik rollar beriladi. Blek “Bob Roberts” (1992) filmida ikkinchi darajali rolga tayinlangandan keyin jiddiyroq rollar beriladi.
Oradan 8 yil o‘tib chiqqan “Fanatik” filmi muvaffaqiyati esa aktyorning bosh rollarni o‘ynashiga sabab bo‘ldi va oxir-oqibat uni yulduzga aylantirdi.
Izoh (0)