Сўнгги вақтларда MidJourney сунъий интеллект технологияси ёрдамида суратлар яратиш кенг авж олмоқда. Хусусан, Twitter ижтимоий тармоғида Абдулла Қодирийнинг “Ўткан кунлар” романи қаҳрамонларининг сунъий интеллект ёрдамида яратилган тасвирлари эълон қилинди.
Тармоқ фойдаланувчилари асар бош қаҳрамонлари — Отабек, Кумуш ва Зайнабнинг сунъий интеллект ёрдамида яратилган суратлари билан улашди.
Ушбу замонавий технология ёрдамида Алпомиш достони қаҳрамонининг 7 ёшдаги кўриниши ҳам яратилди.
Шунингдек, ушбу сунъий интеллект ёрдамида тарихий шахсларнинг сиймолари ҳам гавдалантирилди.
Бундан ташқари, Заҳириддин Муҳаммад Бобурнинг хотираларини сунъий интеллект ёрдамида тасвирлаш лойиҳаси йўлга қўйилди. Лойиҳа “Бобурнома” Telegram-каналида ишга туширилди
“Ёшларга шундай аждодимиз борлигини яна бир бор эслатиш ва уларнинг эътиборини жалб қилишнинг энг яхши йўли улар эшитган замонавий технологиялардан фойдаланишдир. Бугунги кунда бу MidJourney нейрон тармоғи”, — дейди лойиҳа муаллифларидан бири.
Изоҳ (0)