Давлат хавфсизлик хизматининг Фарғона вилояти бўйича бошқармаси, “Ҳудудгаз Фарғона” газ таъминоти филиали ва “Ўзбекнефтгазинспекция” Фарғона вилоят бўлими ходимлари томонидан ўтказилган тадбирда Қувасой шаҳрининг Ўрмиён қишлоғида табиий газдан ноқонуний фойдаланиш ҳолати аниқланди.
Жумладан, маҳаллий хусусий корхона томонидан ҳеч қандай ҳужжатларсиз, яширин равишда табиий газга уланиб, 3 та хумдонда 72 та ясама газ ёндиргичлар орқали оҳак ишлаб чиқарилган.
Мутахассисларнинг дастлабки ҳисоб-китобларига кўра, ўтган йилнинг июнь ойидан жорий йилнинг март ойига қадар 18 млн 314 минг метр куб табиий газдан қонунга хилоф равишда фойдаланиш натижасида давлат манфаатларига 18 миллиард 314 миллион сўмлик зарар келтирилган.
Ҳолат юзасидан ДХХ Фарғона вилояти бўйича бошқармаси томонидан жиноят иши қўзғатилган.
Аввалроқ Ўзбекистоннинг уч ҳудудида электр ва газдан ноқонуний фойдаланганлар 930 млн сўмдан зиёд зарар етказгани, Бухорода учта метан заправка салкам 12 млрд сўмлик газдан ноқонуний фойдалангани тўғрисида хабар берилганди.
Изоҳ (0)