Афғонистонда рамазон ойи муносабати билан озиқ-овқат нархи кескин пасайди

Афғонистонда “Толибон” ҳаракати рамазон ойи муносабати билан озиқ-овқат нархини пасайтиришни буюрди. Бу ҳақда Sputnik Афғонистон хабар берди.

“Толибон” Молия вазирлиги маълумотларига кўра, буйруқ асосида олтита маҳсулотнинг нархи 18 дан 80 фоизгача арзонлашган. Қуйида маҳсулотларнинг “партияси” эски ва янги нарх асосида таққосланган:

1. Картошка — 73 926 афғони (850 доллар) / 14 985 афғони (172 доллар), пасайиш 79,73 фоиз;
2. Помидор — 45 360 афғони (521 доллар) / 16 200 афғони (186 доллар), пасайиш 64,29 фоиз;
3. Бамия — 235 170 афғони (2,7 минг доллар) / 90 450 афғони (минг доллар), пасайиш 61,54 фоиз;
4. Олма — 291 870 афғони (3,3 минг доллар) / 244 917 афғони (2,8 минг доллар), пасайиш 16,9 фоиз;
5. Хурмо — 298 080 афғони (3,4 минг доллар) / 186 300 афғони (2,1 минг доллар), пасайиш 37,5 фоиз;
6. Тарвуз - 379 890 афғони (4,3 минг доллар) / 217 080 афғони (2,5 минг доллар), пасайиш 42,86 фоиз.