Тожикистоннинг Душанбе шаҳрида содир бўлган йўл транспорт ҳодисаси оқибатда Ўзбекистон фуқароси вафот этди. Бу ҳақда Асиа-Plus хабар берди.
Ҳодиса Зарафшон микрораёнидан ўтувчи Зарнисор кўчаси чорраҳасида содир бўлган. Машина катта тезликда бетон панжарага бориб урилган. Тезлик шунчалик юқори бўлганки, зарбадан автомобиль икки қисмга бўлиниб кетган, кейин эса орқа қисми ёниб кетган. Машинани ўзбекистонлик 22 ёшли йигит бошқарган. Ҳодиса 17 мартдан 18 мартга ўтар кечаси, маҳаллий вақт билан тахминан соат 01:00 да содир бўлган.
Аниқланишича, Mercedes-Benz русумли автомашина ҳайдовчиси бошқарувни йўқотиб қўйган, у олган тан жароҳати оқибатида вафот этган. Қутқарувчилар Ички ишлар вазирлиги ходимлари билан биргаликда ёнғинни ўчирган ва авария оқибатларини бартараф этган. Душанбе ички ишлар вазирлиги марҳумнинг шахсини аниқлаган, у Наманган вилоятида яшовчи 22 ёшли йигит бўлган.
Изоҳ (0)